బీకాం పరీక్ష 25కి వాయిదా
ఆదికవి నన్నయ విశ్వవిద్యాలయం అనుబంధ కళాశాలలో బుధవారం జరగాల్సిన బీకాం, బీకాం కంప్యూటర్స్ లోని వెబ్ టెక్నాలజీస్ పరీక్షను ఈనెల 25వ తేదీకి వాయిదా వేస్తున్నట్లు కంట్రోల్ ఆఫ్ ఎగ్జామినేషన్ ఎస్.లింగారెడ్డి తెలిపారు. వెబ్ టెక్నాలజీస్ పేపర్ లో కొన్ని ప్రశ్నలు అవుట్ ఆఫ్ సిలబస్ లో ఉండడాన్ని అధ్యాపకుల ముందుగానే గుర్తించడం ద్వారా పరీక్షను రద్దు చేశామని చెప్పారు. ఈ పరీక్షను 25వ తేదీన ఉదయం 9 గంటలనుండి 12 గంటల వరకు నిర్వహిస్తున్నామని చెప్పారు. విశ్వవిద్యాలయ పరిధిలో పరీక్ష రాస్తున్న విద్యార్థులు అందరికీ ఈ సమాచారాన్ని అందజేశామని విద్యార్థులందరూ ఈనెల 25వ తేదీన జరిగే పరీక్షలకు హాజరు కావాలని సూచించారు.
