18 నుండి నన్నయలో పీజీ స్పాట్ అడ్మిషన్స్
ఈ నెల 18వ తేదీ నుండి ఆదికవి నన్నయ విశ్వవిద్యాలయంలో పీజీ స్పాట్ అడ్మిషన్స్ ను నిర్వహిస్తున్నామని వీసీ ఆచార్య మొక్కా జగన్నాథరావు తెలిపారు. బుధవారం విశ్వవిద్యాలయంలో దీనికి సంబంధించిన ఒక ప్రకటనను వీసీ విడుదల చేసారు. ఆదికవి నన్నయ యూనివర్సిటీ రాజమహేంద్రవరం, కాకినాడ, తాడేపల్లిగూడెం క్యాంపస్ లలో సైన్స్, ఆర్ట్స్, ఎం.పి.ఈడీ కోర్సులకు సంబంధించిన స్పాట్ అడ్మిషన్స్ ను నిర్వహిస్తున్నామని తెలిపారు. సైన్స్ కోర్సులకు ఈ నెల 18వ తేదీన, ఆర్ట్స్ కోర్సులకు 19వ తేదీన స్పాట్ కౌన్సిలింగ్ జరుగుతుందన్నారు. డైరెక్టర్ ఆఫ్ అడ్మిషన్స్ వారు స్టార్ అడ్మిషన్స్ ప్రక్రియను నిర్వహిస్తారని, స్పాట్ అడ్మిషన్స్ కోసం వచ్చే విశ్వవిద్యాలయం ఉదయం 11 గంటల లోపు వచ్చి రిజిస్టేషన్ చేయించుకోవాలని చెప్పారు. ఆయా కోర్సులలో ఖాళీ ఉన్న సీట్ల వివరాలు, ఫీజు వివరాలు యూనివర్సిటీ వెబ్ సైట్ లో పొందుపరిచామని తెలిపారు.
